كلمات يا منور سنيني

الله يعين عيني يوم تشتاق عينك
يحتظنها وله وتسوق شوق ومشاعر
حي ذاك الغلا لي دار بيني وبينك
ما يوفي وفاه احساس عاشق وشاعر
وصمت طيفك لعيني يوم تساله وينك
ما فرقني مقيم ولا فرقني مسافر
كل شي بعيوني انطبع فيه زينك
بالجهه والمسافه والمدن والمناظر
من قساوة جنون الشوق ملجاي لينك
ومن هجير الظنون الجا لبحر المحاجر
يا منور سنيني كل عمري سنينك
يا غرام ايتجدد يالقديم المعاصر
كن كل الدروب تروح وترد لينك
يااول الحب في مهجة حبيبك والاخر
كل ما غبت لحظه يعتذرلي حنينك
وانت منته بحاجة عذر غايب وحاضر
يشرق العيد نوره من بشاشة جبينك
تبتهج به قلوب وتبتهج به خواطر
اشعر اني بقربك حر وانا سجينك
وكل ما بعدت عني اشعر اني محاصر