كلمات ابناء مبلش

يا اهل الهجن من بغى الناموس يسعاله
ويضوي اللي على الناموس عادتها
اللي عليها الرجل تتعلق اماله
وتجحد ليا رفت الاعلام خلتها
للسبق تهوي مثل حرا فـ محواله
تلحق وتقفي ولا تنشاف جرتها
وتثبت على السبق مثل طويق وجباله
وبالشكل تفرق وتفرق في نهايتها

اللي عليه العرب تعطي شهادتها
على النواميس وصى مبلش عياله
وزادت على همة الناموس همتها
قالو عن السبق غبنا بس عدناله
ورزت على قمة الامجاد رايتها
ايمانهم تكسب الناموس والطاله
وصدورهم تاسع العالم مساحتها
السوق من يوم جو له ف اطيب احواله
وضو التحدي على اهل الهجن شبتها
بـ نيوم ولا بـ شيبارا وسنداله
نوادرا فعلها سابق لـ سمعتها

وروس النشاما لها تعصب عصابتها
معلومات الاغنية
مهداة إلى ابناء مبلش بن سفر البقمي
كلمات سلطان بن عاضة البقمي
اداء مسفر السندوانه