كلمات وجه السماء

ضحك وجه السماء يا ديم ومنهو يقدر يلومه
لقى في هالقمر لمحة تشابه شيء من ضيك
مشيتي لين صار الليل يتباهى على يومه
كأن اجمل مقاديره لو يحقق هقاويك
امانة ناظري بسمة مضاوي كيف مرسومة
تحس ان العمر كله عشان اغلى لياليك
يكفيك ان فرحتها معا فرحتك مقسومة
مثل ما قاسمتك الكون كله ساعة مجيك
وفرحة فيصل اللي ورث عزومك من عزومه
كبرتي في ذراه وشال همك من محانيك

ويفرح فيك يوم يشوف طفلك بين اياديك
وعند الجوهرة كم طفل كانت تغزل غيومه
كبر يالجوهرة حتى لقى واجده بشويك
سقيتي بليلنا نور تهيت وسطنا نجومه
عسانا نلحقك حقك ونحقق لك دعاويك
ولا به مثل خالد تفرح الاقدار بقدومه
لقى فيك امنياته والتقى فيها بأمانيك
فاذا سال المطر فرحة عشانك زانت علومه
ترى حتى الثرى يزهر الا من مر به فيك
جميع اوصافنا في حضرتك يا ديم مظلومة
ولا نملك كلام واضح يشرح معانيك
تفاصيلك من كفوف الخيال العذب مرسومة
تباهي ما خلق ربي شبيهك او خلق زيك