تصحيني على شمسٍ تشع من الفرح اعياد واشوف النور في وجهك قبل تشرق تفاصيله تعال اسكن عيوني لك خفاها والحنين بلاد تسيد فوق عرش الحب تحييني مواصيله احبك حب لو اترك قليله في خفوقي زاد سحاب الشوق مايبطي على ارضك هماليله اشوفك اجمل سنيني ومعك غصن المشاعر جاد نظر عيني فداك العمر يا اغلى مقابيله هلا يا سيد الصبح و عيون الليل له اسياد على جيد السما تشعل حروف اسمك تناديله لنا في كل ليله من مواعيد الفرح ميعاد على بحر السهر قمراك وعيونك مكاحيله