كلمات ليلة النور

ليله النور لا شفتك بعيني قبالي
ينشرح خاطري ويزول كل العتاب
جيت معني وعاني بعد طول انشغالي
اه ما احلى اللقاء من بعد ذاك الغياب
كم ليالي مضن مشغول فكري وبالي
ارقب الوصل منك واتحرى الجواب
لا تصد وتكابر وانت على القلب غالي
كل منا معرض للخطا والصواب

ما دريت ان في جبر الخواطر ثواب
لا تقفي ولا تقطع حبال الوصالي
خل بيني وبينك للمواصيل باب
جيت والهم في صدري حجاره ثقالي
ما نسيتك ولا جرحي من البعد طاب
ادرك الوضع يالمحبوب وارفق بحالي
شاب راسي من الفرقى بعز الشباب
كم تحملت وحمولي تفوق احتمالي
كم تصبرت لكن الصبر مستجاب
آه لو زانت ايامي ووقتي صفالي
ماتغربلت في درب الهوى والعذاب