كلمات عايشين

عايشين
سنين ماكانتش على كيفنا
خايفين
وخوفنا كمان مكتفنا
تايهين
لكن ماشيين

وسنين
تجر سنين
شايفين
جراح لجراح بتحدفنا
شايلين
هموم تقلت على اكتافنا
طب مين
يشيل عن مين
وسنين
تجر سنين

ايام من الايام
بتخطفنا ايام
بقت تكسر مقاديفنا

ومنين
بعدين
هنقدر نعدل الدفه
ومنين
وفمين
هنتحامى ونتدفى

سايبين
سنين تتسلى بوجعنا
طب فين
نلاقي حضن بيسيعنا
ساكتين
ومش قايلين
وسنين
تجر سنين
من فين
لفين واخدانا متاعبنا
شطين
وبينهم تايهه مراكبنا
قبلين
شبه بعدين
وسنين
تجر سنين