كلمات على بابك

برايي كل ما يحصل ترى دايم من اسبابك
تحاول تخلق الزعله حتى لو بلا سبه

وانا لي قلب مغرم فيك ولا ملك ولا تابك
رغم تقصيرك المطلق انت مالكه وحبه

اذا هذا دلع قلي وادلع حتى من جابك
مصيبه كل ما يخمد زعلنا ترجع تشبه

ابيك تحسني اهلك وربعك كل ابو احبابك
تحب اللي يحبوني ومن يجرحني تسبه

احبك حب يا كبره ولا اقوى لحظه غيابك
واذا في يوم قلت انساك تراها بذمتي كذبه

تصدق كل ما تزعل يجي قلبي على بابك
بليا شعور يتركني ويتوكل على دربه

حبيبي ودنيتي وروحي اموتك حب واحيابك
وغيرك لو يجي ما ابيه ولا لي بغيرك اي رغبه

عسى دايم معي تبقى واعيش ايامي اهنابك
يا واحد غيبته عني كابه متعبه صعبه