كلمات امسح دموعك

امسح دموعك قبل اوادعك واروح
حاول تصنع ضحكتن قدام عيني
ما اشوف لك في دمعه العين مصلوح
ولا هي نهايه حب بينك وبيني

صوتك بنبره حزن ياشوق مبحوح
الله على يوم الموادع بعيني
مجروح تشكي لك على قلب مجروح
حزين ويواسيك قلبن حزيني

من كثر ما اخفي من همومي ولا ابوح
صارت هموم القلب مني وفيني
لو قلت ابصبر عنك ياساكن الروح
الصبر يا محبوب وينه وويني

صنعت لك بالحب تاريخ وصروح
ولا ابي غيرك بالهوى يحتويني
انت الوحيد اللي لك القلب مفتوح
ياضحكه ايامي وفرحه سنيني