كلمات محمد المجد

يا هاجسي لا دعيتك هات
من فكرك ابيات حصريه
قم للوطن وثق الوقفات
دارٍ حــكــمــهــا فــــلاحــــيـــه
بــقيــادة اللــي لـهـم عـــــادات
مـن سـالـف عـصـور مقضيه
محمد المجد والفزعات
يــا حــي شــوفــه وطاريه

جارت وكثرت بلاويه
وقّف معه وقفةٍ بالذات
يسمع صداها بطوليه
موثقه ما تبا بصمات
ضرير من قال وهميه
واسأل وتلقى لها وقعات
وعــلـوم مــاهــيـب مــخـفيـه
مـخلــفه من زمــانٍ فات
فــيــها الـتــواريخ فعليه
مــا مـرت عـلـومـهـا بســكــات
ولازالـــت نـيــارهــا حيه

ومــن تـرتـفــع رايـتــه حيه
قــواتــنا مــاهـي شعارات
لا والله الا مثاليه
برق وناظر وهاك اثبات
جــوي وبحــري وبـــريه
يا أهل المعاني هل الشيمات
فــزعــاتــكــم ســاعة الهيه
شــرهيـن لادقـت الساعات
مـــا تــسـمــع الاّ عزاويه
معلومات الاغنية
تسجيل: استديو تقاسيم
هشام النفري
توزيع ومكس : أحمد حبيب
فيديو : عبدالله البريكي
توزيع ديجيتال شركة قنوات ميوزك