كلمات شمعة الغاليين
كل عام وانت يا زايد
بالخير و الحب زايد
وانت الحبيب اللي قدره
غالي و فالقلب زايد
اذا شفتك احس اني
اناظر قطعه مني
واذا اتبسمت يا زايد
احس بتبتسم عني
لان الله عطاني ياك
اكحل عيني ب محياك
و تضوي يا ولدي عمري
و اعطر دنيتي ب دنياك
وانا يا شمعه الغاليين
احس ايامي فيك تزين
وكانك يا ضنا روحي
غديت عيوني الثنتين
ياليتك بس لو تدري
غلاك شكبره في صدري
بقلب كل ما اشوفك
يقلك يا بعد عمري
في عيدك مدري شهدي لك
سوا من زود حبي لك
اهني الكون و اطفاله
و اجيب الورد يغني لك
الهي يصونك و يحميك
كثر فرحه اهلنا فيك
تعيش و بيننا تكبر
و نسمع بالفخر طاريك
عسى الله يجمل ايامك
و تتحقق لك احلامك
و اشوفك وين ما صديت
تلاقي الفرحه قدامك