كلمات عادني والله

كل حاجه مع مرور الوقت تذبل و اتلاشى
خص لا صارت رياح الصد تعصفك و تهبك
كود كلمه ثابته مهمآ تهرب و آتحاشى
عاد احبك هي هي و عادني و الله احبك
يا حبيبي و المحبه ما تخبى و اتغاشى
ما يزحزحها القسا و التيه وسط اعماق جبك
ما يثنيها عذول اغتاظ من حقده و واشى
و ما يحركها في ذا الدنيا سوى ربي و ربك
وحده اللي حرم الخافق على غيرك و حاشا
أنبع بجوفه غلاك و بالحشا صبه و صبك
الفواد اللي رفع راية غرامك ما تخاشى
خاض صلفاته و مـ استصعب محاذيره و حبك

و جعل سقمي فالهوى ما يستطب الا بطبك
عارف ان عشقك عذابي مير اكابد و آتماشى
ليتك تروف بعذابي ليتك و ليتك و اربك
رغم جفو بيننا يلتاع وجدا و ارتعاشا
لا يبالي عاشق موت الفدى جراء غبك