كلمات مرسال
محلّك بعده فاضي
والفراغ مش عم بيتعبّا
وينه حضنك؟ عم بندهله
والريحة ع تيابي بعدا
غرقاني بذكريات
يا ماضي بشوفه حياة
يا حاضر مليان عتاب
يا عيون قلبي
والدقة البين الدقة
يا لحظة وعي من بعد غياب
إيديك بعدا محفورة عالباب
يا روح طلعت
والجسم صار خيال
وينك يا غايب؟
عم يوصلك مرسال؟
بيقولوا هالقدر مكتوب
وما فيه منه هروب
مشّي نهرب ع كون جديد
ونرسم بكرة بإيدينا
حبر وورق وحروف
فيه لهفة، بس فيه خوف
وينك؟ خلصت الرسمة
وصوتك بعده مفارقني
معقولة تاركني لحالي
وفالل عالهدا؟
يا عيون قلبي
والدقة البين الدقة
يا لحظة وعي من بعد غياب
إيديك بعدا محفورة عالباب
يا روح طلعت
والجسم صار خيال
وينك يا غايب؟
عم يوصلك مرسال؟
وينك يا غايب؟
عم يوصلك مرسال؟