كلمات عرفت الحب لـ

عرفت الحُبّ حبيبي من عرفتك
شفت الدنيا حلوة بيوم شفتك
جنت كَبلك أروح وأجي بدربي
هسه الدربك يوديني كَلبي

حلو حلو حلو حلو
حبيبي شكد حلو
شوفو تأملو الحُبّ ما أجملو

حبيبي وجان كَبلك عندي محد
ولا حبيت غيرك الله يشهد
عيني كَبال غيرك غَمّضتها
ومن حسيت كَربك فتحتها

تعال وخَلّي راسك فوك صدري
مدري شلون كَبلك عشت عمري
سنين من العمر راحت حرامات
تعال وخَل سويه نعَوّض الفات

وكت الحُبّ اجه بجيتك حبيبي
هلا وكل الهلا بحظي ونصيبي
لأن كلشي حلو بيك أني لاكيت
وأريد الناس كلها تدري حبيت

حياتي وعمري انته بعيني كلشي
كَاعد بالكَلّب وبدمي تمشي
عيونك ماكو بالعالم مثلها
ضحكتك عندي بالدنيا وأهلها

راحة بالي انته وياك أرتاح
غيرك ما يهمني الجاي والراح
اسمع خَل أكَلك شي يعجبك
كل الدنيا تعرف أني أحِبّك

اغنية عرفت الحب – هيثم يوسف
Araft Al Hob – Haitham Yousif

المزيد من أغاني هيثم يوسف
من دعولي لـ هيثم يوسف
يمكن نسوني لـ هيثم يوسف
ليش اختلف – هيثم يوسف
كلما أحبك أكثر – هيثم يوسف
ويلي – هيثم يوسف