كلمات حدوتة
عندك حاجه عايزه تقوليها ؟
تؤتؤ
طب عندك سؤال ؟
تؤتؤ
طب يلا بينا عشان ننام
كان ي مكان ف قديم الزمان كان ف بنت حلوه اووي
اول يوم عرفتهاا كان من علي جروب الدفعه بتاع المعهد
اتكلمنا وكان كلامنا قليل اوي مع بعض دخلت وكلمتها واتعرفت عليها اتفقنا ننزل اول يوم معهد صحيت الصبح كلمتها
قالتلي مش نازله عشان تعبانه زعلت واضايقت جدا بس هعمل اي كلامنا ع القد
نزلت تان يوم شوفتها عيني لمعت متخيلتش ان القمر ده كان غايب عني كل المده دي
شوفت ف عنيها انها بنتي وانا ابوها وسند ل بعض وعمرنا م نغيب عن بعض
خدت بعضها ومشيت جابت بقيت صحبنا وساعتها طلعنا قعدنا ف الكافيه عند جدو
كانت لابسه طقم اسود ف اسود كان محليها اكتر من حلاوتها الطبيعية
كانت ف عيني اميره واحلا اميره ف الكوكب كلو
عدا يوم اتنين تلاته وقعدنا نتكلم ونقرب كل يوم اكتر وبنعرف بعض اكتر
غلاوتنا زادت عند بعض جدا بقينا اغلا اتنين عند بعض ف اسرع وقت
وكانت الكارسه ف اليوم ده قابلتك ومكنتيش كويسه وكنتي تعبانه
حسيت بيكي قبل اما تنزلي و اول اما شوفتك رغم كل ده كنتي عملالي مفاجأة
جيبالي ال Red Bull الي بحبها واليوم بدا حلو بس بعد كام ساعه اليوم قفلني انتي تعبتي وخدتك وروحنا المستشفى
وكان اول مره احس بدق قلبك جمب قلبي
اول مره اخاف ع حد كده ف حياتي
اول حضن منك ومكنتيش واعيه !!
انا روحي اتسرقت مني اما خدت منك حضن وانتي متعرفيش
ولحد النهارده متعرفيش حسيت ب اي !!
حسيت ان روحي بقت معاكي ومش عايشه معايا
واما قومتي ب السلامه اول حد كان معاكي وجمبك انا
مسبتكيش و وقفت جمبك لحد اما روحتي
روحتي واتكلمنا وهزرنا وبداتي تتحسني زعلتك مني وفرحتك وعملنا كل حاجه اليوم ده
ونزلنا تاني وبقيتي احسن وصحتك بدات تتحسن وترجعي احسن من الاول
ونزلنا تاني وجبنا قصب وكلنا واتمشينا انا وانتي
واحده واحده الدنياا بدات تتظبط وكلو يبقى تمام وربنا كرمني من وسع
وبقينا مع بعض فاكره يوم 13/12؟ اما كنا سهرانين ال 24 ساعه
اول يوم قولتلك فيهو .. "بحبك"
سكتي واتكسفتي وضحكتي ضحكه هادئه وقولتيلي يلا عشان ننام
ف انا سكت وقولت يلا ونمنا ومتكلمناش ف الموضوع تاني
وقربنا اكتر عدا 4 ايام ونزلنا المعهد اليوم الي مش هنساه عمري كلو
17/12 اما مسكت الورقه وقولتلك انتي بقيتي مراتي رسمي وكتبت وبصمت ع الورقه ومسكتك القلم وعملتي نفس الموضوع
وكنت هاخد الورقه ختيها وقولتي هتفضل معاكي وساعتها خدت صوره منها عشان تبقى معايا انا كمان
وعدا 3 ايام ونزلنا
نزلنا يوم 20/12 اول يوم قولتي ليا فيهو "بحبك"
اكتر يوم فرحت فيهو وقربنا اكتر وبقت حياتنا احلا بكتير
اي ده نمتي !! ههههه هوا انتي ع طول كده بتروحي ف النوم ع طول مش بتلحقي
اقولك ع حاجه طالما انتي نمتي
بكره عيد ميلادك ومكنش ينفع يعدي كده انا فاكر اليوم ده لحد النهارده
اول عيد ميلاد ليكي منغيري ف مكنش ينفع اسيبك ف اليوم ده لوحدك
كل سنه وانتي طيبه عشان اكون اول واحد يقولك الكلمه دي
اه بكره انتي وبتطفي الشمعه متنسيش تتمني امنيه
عايز اقولك حاجه
"نون" نورتي الدنياا وطول الوقت منوره ب وجودك
"ياء" يمكن طبعك صعب بس احن واحده ف الوجود وجودك
"ميم" متخليش دماغك ناشفه مشي الدنيا وفكري ترجعي
"واو" وارجع وافكرك انتي الركن الهادئ والطيب بتاعي انا
توته توته وخلصت الحدوته
نمتي !
طب تمام
كده اول هديه وصلتلك
تصبحي ع خير يست البنات
احلام سعيده
خلي بالك من نفسك
يلا باي