كلمات سيما لـ

مشيت في سكّة وقلت الصّح
عملت خير ورميته البحر
وعمري ضاع على ناس مش صحّ
قلوبها سودة وزيّ الفحم

وأنا اللّي لافف كتير فيها
معملتلهاش قيمة
حياتي فيلم دراما بيضحك
مش هتلاقيه غير في السّيما

لكن مفيش منّي اتنين
متهزّنيش الأيّام
مبسوط حزين في الحالتين
مسبتهاش الأحلام

وأدي اللّي صار
بعيش صراع
بحر الحياة
بشوف شراع
مفيش هزار
مفيش ندم
على اللّي ضاع

عديت بكتير وقلبي شاف، آه
مندمتش يابا ع اللّي فات، آه
الدّنيا خدتني دوّامات، آه
منسيتش وعارف مين أنا، آه

وأنا عندي ربّ اسمه المعين
يامّا قلتلك متخافيش
مهما الدّنيا دي ترمي في هموم
ابنك شيّال مبتهدّنيش
بتميل بحيطانها وما نميل
وإن قلبي اتكسّر هرميه
لو سكّة تقفل مش بنغفل
فايقة دماغنا وفينا حيل

مين أنا واحد من خلق الله
لو مهما تضيق الأيّام
مش راضي يعيش معاناه
مش متّفقين يا ناس
في الدّنيا أنا سوّاح
بجري ورا الأحلام
مجنون بيدوّر على ليلاه

فصعب نبقى زيّ بعض يا صاحبي
اللّي قدّامك ده جاي من الموت
أنا عشت في ليالي بغنّي لنفسي
ومحدّش سامعلي أنا صوت
والنّاس تسألني إيه النّظام
بتضيّع في وقتك حرام
وأنا أبصّ بابتسامة
وأجمع في نفسي من جوّه الحطام

عديت بكتير وقلبي شاف، آه
مندمتش يابا ع اللّي فات، آه
الدّنيا خدتني دوّامات، آه
منسيتش وعارف مين أنا، آه

أغنية سيما – علي لوكا
ALI LOKA – CIMA

المزيد من أغاني علي لوكا
تايه يا ليل
إحنا أهو
مستني
مش يومين
لاموني