كلمات الماضي لـ

مريت وأنا مخطياً يوم مريت
ليت القدر عن المناحي نحاني
دارٍ بها عشت ودرست وتربيت
وأمضيت فيها أحلى ليالي زماني
يا ليتني عن شوفة الدار صدّيت
ما حرّك الماضي وزلزل كياني
يا دار دورات الليالي تشاتيت
ولا يرجع الماضي كثير التّماني
ليل الشتاء يجمع بليّا مواقيت
ولا فيه أحد يقول محدٍ دعاني
النار شبّوها ولا عندهم ليت
ومن بينهم قامت تدور المعاني

هذاك منزلنا تقل أشوفه البيت
وأشوف أبوي اللي رفيع المكاني
مرحوم يا عودٍ صخيٍ وله صيت
يا كثر ما قلّط بوسطه صياني
من حشمته نحشم وهو مبطيٍ ميت
كم واحدٍ من شان قدره عطاني
الطيب يبقى له قواعد وتثبيت
ثابت مكانه لو تزول المباني
أستعرض الماضي وأهوجس وناديت
ولو طوّلت يصيب عقلي جناني
النفس طابت عقب ما شفت وأقفيت
ويا ليتني ما جيت هاك المكاني

شيلة الماضي – سلطان الشراري
Al Madi – Sultan Al Sharari

المزيد من شيلات سلطان الشراري
عطايا الله
مقر الشرارات
بري حالي
الايام تجمعنا
ذكرى المحبة