كلمات راجل بجد
صباح الفل على الكل اه يا زمان معيوب
شوفت ستات عاوزين رجال بس لقت السوق مضروب
طعم ونايتي واللي أنوثته أعلى ! و الدبدوب
واللي نطع واللي مدمن ، واللي النوع مقلوب !
بنات بتقول مفيش رجال ! يمكن عندهم حق !
عشان شايفين سيمبات بتطاطي ، مفيش في قاموسهم لا
ممكن يطاطوا ف اي حاجه وكل حاجه لأجل ترضي
أو يديها روحه ورقبته ، ورجولته ع المحك !
الحقيقه ، بدأت اتعاطف مع بعض البنات !
أغلبهم مش لاقي رجاله ! غير كلام فالشات !
بيبيع رجولته لأجل ترضى لأجل يسمع كلمه منها !
لاجل مسكه ايد وحضن ، و صور للاستوريهات
ويقولوا يا بت اتجوزي احسن م القطر يفوت !
بس من حقها تختار راجل بجد مش هلفوت!
راجل لما يوعد يوفي ، بين الرجال محبوب ..
راجل لما عنها يغيب ، قلبها من الشوق يدووب !
ما هي عايزه راجل جد ! يكون سند و ضهر
يعين علي أمر الدنيا والاخره ، ميكونش ليها قهر
راجل لو معاه ! ميستخسرش ميدعيش الفقر !
لو طالبته بنقطه حب .. تلاقي منه نهر !
راجل كلامه سيف ع الرقبه مش بياع كلام
راجل لما يقول ينفذ ، راجل فعل مش اقوال
راجل يلم مايبعترش تزيد حنيته في الخلاف
راجل قد المسؤوليه راجل بجد يكون قوام
في الواقع رجولة البنت ساعات مطلوبه
بس انت كراجل ليه بتتنسون ! فيك حاجات معطوبه؟
رجولتك اتبلت؟ يا صاحبي ؟ ولا فيها رطوبه !
طبع النسونه عليك غلب ! بيبان حتي ف ردودك !
1000 طلب مراسله بيبي بليز حابب نتعرف!
نفسي تردي عليا بس بجد نفسي اتشرف
نفسي ابوس الايد والرجل واكون البوبي المطيع
اكون بطاطا تحت رجلك وابوس فيها مش بتقرّف
ما تنشف ياسطي مالك ! البنات بقت ارجل منك !
وسط سوق الرجاله ! هنا الكل عمال يذمك
منزعلش عليك لو مت بس نزعل عليك لو خبت
احترم حتي الشنب اللي فوشك ، احترم باسطي سنك
مهي مش بكتر مال ، ولا منك انت خضوع
متبقاش عيل سيد امك, وتقول هو الحب ممنوع؟
احمد ربك ع الحلال ، بس لا تبكي بالدموع
لو بقيت راجل هتكونلك انثي ، تقيد صوابعها شموع !
لازم تكون ثابت جبل ولا حتى هي تهزك
خليك تقيل عاقل وراسي لا شىء تستفزك
انت القوه ومصدر الامان خليك راجل تعزك
تبيع الدنيا لاجل تشتريك ، وترضي برزقك !
راجل كلامه سيف ع الرقبه مش بياع كلام
راجل لما يقول ينفذ ، راجل فعل مش اقوال
راجل يلم مايبعترش تزيد حنيته في الخلاف
راجل قد المسؤوليه راجل بجد يكون قوام