كلمات حوا
و انا يعني عشان أمنتك أجني دمع وقسي
هو فعلا كل شئ كان بينا ضاع وراح واتنسي
كان مزيف زي أول يوم إبريل فـ لحظة اترمي
خلصت الشتواية صوت فيروز بيقول معادش الا أنا
قهوة سادة ع اللي فات من عمري خلصت الحكاية
واتوه من تاني فـ كل قصة مع تتر النهاية
توبة إن كنت تاني أآمن ليكي مش هكون غير أنا
خشي جوه عقلي شوفي ازاي مالكيش ولا ذكري هنا
أنا وانتي..
أخطائنا من البداية واضحة
بكتبلك ألف سطر وأرجع أقطع تاني الصفحة
ماكنتش البطل ولا عمري ف يوم انا كنت هبقي
متكدبيش عليا كنتي جمبي بس شفقة
وأرجع اسهر.. بالإسبوع فـ أوضتي عشان بفكر فيكي
معقولة ف حضن عيري وغيري فعلا أولي بيكي
معقولة سيبتي ايدي معقولة ان انتي مشيتي
بروح نفس الأماكن لسه وبرضو مستنيكي
ـــــــــــــــــــــــــــــــــــــــــــــــــ
وبينا ألف ميعاد ومهما غيبتي برضو لسه حافظك
بينا بدل الوعد ألف فـ كل دول انا لسه شايفك
يا أجمل كدبه عاشها قلبي انا برضو لسه عاشقك
ازاي قدرتي تبقي لغيري وغيري يبقي جمبك
وبينا ألف ميعاد ومهما غيبتي برضو لسه حافظك
بينا بدل الوعد ألف فـ كل دول انا لسه شايفك
يا أجمل كدبه عاشها قلبي انا برضو لسه عاشقك
ازاي قدرتي تبقي لغيري وغيري يبقي جمبك
ـــــــــــــــــــــــــــــــــــــــــــــــــ
شوفتي ازاي بقيت من بعدك شخص تايه لسه وحده
شخص ماله سكة غيرك كل يوم بيدمر نفسه
كل الطرق بتودي لذكري فيها كنت معاكي
حتي الطريق السد مشبتوا بس عشان انساكي
ومنستكيش ولا عمري هنسي
بكدب وادي العمر عدي
والمسكن مش بيهدي
والمهدئ ماله لازمة
وكل شئ عبارة عنك
كل شئ إتلاشي فجأة
وانا بديكي عيني تشوفي عارف اني هبقي أعمي
واتمني منك آخر حضن قبل ماتمشي
يا أول كل شئ كان نفسي جمبك يفني عمري
يا أول دمعة تنزل يا أول دمعة تهز جفني
لسه شايلك جوا عيني لسه بيدفيكي ريمشي
لسه بضحك لما تيجي سيرتك والدموع تخوني
مقدرش أحوشها تنزل أبعد للعيون تشوفني
تفكتكرني ب اني لسه فاكرك فالصحاب تلومني
قالوا عنك انك انتي نسيتي ريحتك لسه حضني
ـــــــــــــــــــــــــــــــــــــــــــــــــ
وبينا ألف ميعاد ومهما غيبتي برضو لسه حافظك
بينا بدل الوعد ألف فـ كل دول انا لسه شايفك
يا أجمل كدبه عاشها قلبي انا برضو لسه عاشقك
ازاي قدرتي تبقي لغيري وغيري يبقي جمبك
وبينا ألف ميعاد ومهما غيبتي برضو لسه حافظك
بينا بدل الوعد ألف فـ كل دول انا لسه شايفك
يا أجمل كدبه عاشها قلبي انا برضو لسه عاشقك
ازاي قدرتي تبقي لغيري وغيري يبقي جمبك