كلمات سحله

قدامي المشهد لسا فاكرو بالظبط
بس ده مش ذنبي لا مش انا ال اخترت
انا محدش جنبي فجأه احس بالضغط
ده الكل اختفى لا مش سامع غير صمت

بس احنا اتفقنا هنكمل مع بعض
لما كنتي موجوده ماحستش بالضعف
ده الفرق ال بينا من السما للأرض
بحاول اني انسى ال فات ده كان صعب

الحلو كان لحظه انا عيشت ف القسا
كل ال عدا رميتو و اتنسا
كل ال جاي من عمري بيتسرق
طلعت من التلج و بدور ع الدفا

كنت ف اوضه سامع صوتي بالنفس
مش بتحرك و ده الواقع للأسف
اللي ده فات مات و ال مات بيتدفن
دخانك يكتر يعمل لوحه و تترسم

مشوفتش حد سند
لما ضهري اتنى
مشوفتش حد فيهم
مشوفتش غيري انا

بكرا يعدي ف لحظه
بكرا نشوف الهنا
ليه بنحاول اصلاً
هي دي المسأله

ده كلام ع الورق
بس مش انا السبب
و فيه حلم اختفى
كلو طار ف الهوا

قلبي سم اتملا
ليه مش لاقي الدوا
ليه مش شايف شبه
و دي نهايه السنه

تيجي نبقا سوا
شايف فيكي الأمل
بس همي جبل
طب و ايه العمل

ده فيه شخص اتقتل
جوا مني اتدفن
عدا بيا الزمن
فا دفعت التمن

بس كبرنا بقا
احنا شبعنا وجع
عايز اشوف الدلع
عايز ادوق العسل

عادي خسرت السبق
بس صوتي اتسمع
بس دمي اتحرق
جوا عقلي اتسجن

ايامي ال عدت معاكي كانت سحله
بتقولي احنا نبعد دي الفكره مش سهله
قولتلك خليكي بس انتي مش فاهمه           2X
هفتح عينيكي ع الدنيا مش شايفه

لسا بدور عليكي انتي فين
هنقرب و نبعد ف الأخر طب ليه
ميت من جوا و اخرتها كانت ايه
دلوقتي انا لوحدي مش حاسس بشيئ

دخلت ف متاهه انا فيها اترميت
بحاول اني اهرب و المخرج منين
فكرت ف الكل و دلوقتي اتنسيت
زهقت من الناس دي كلها ب وشين

عقلي ال اتفق مع قلبي و حبيت
حاولت و ف الأخر من نفسي مليت
من برا ابان عادي و من جوا انتهيت
شربت ف المر انا منكو اتأذيت

العُمر كان ليكي من العين دي للعين
دلوقتي انا ف قلبي ال اتقسم نصين
بس بردو معرفتش اخرتها كانت ايه
و لسا بدور عليكي انتي فين

ايامي ال عدت معاكي كانت سحله
بتقولي احنا نبعد دي الفكره مش سهله
قولتلك خليكي بس انتي مش فاهمه          2X
هفتح عنيكي ع الدنيا مش شايفه