كلمات شيخة الغيد لـ

فكرةٍ من عصير وهي تراود خيالي
لين ليلي جلاه الصبح وأدبر عتيمه

هيّضتني وأنا شاعر وصدري شمالي
يوم هبّ الهوا البارد طرقني نسيمه

قلت أغنّي مدام القاف جاله مجالي
دافعه شوق لعيون الفتاة العظيمه

شيخة الغيد بنت معرّبين الرجالي
بيني وبينها حُب وميانه وشيمه

فارقه بالجمال وفارقه بالدّلالي
حُرّةٍ بالوصوف وبالمبادي عديمه

درتن تستحق أرخص لها كل غالي
والله أنّها على الدنيا هي أكبر غنيمه

جودها من يمين وطيبها من شمالي
والله إنّها حياة العمر وأجمل نعيمه

اللي أثرت حياتي بالحياء والجمالي
قربها لي دفاء وبجمرة القيض غيمه

قبلها طافت سنيني وحيدٍ لحالي
ويوم أنا حزتها طابت جروحٍ قديمه

كنت ضامي غلا وأروت عروقي زلالي
جدّدت مافنى بالقلب وأحييت هشيمه

هي غناتي وهي دون البشر راس مالي
والله إنّي لها لو كان عمري قسيمه

هي مغن القصيد وشمعتي فالليالي
دونها ماشعرت للذّة الحبّ قيمه

حمّلتني جمايل ما قوتها الجمالي
يا عسى زولها بعيوني الله يديمه

وقفةٍ ما تزول ولو تزول الجبالي
كيف أبنسى جمايل وسط قلبي مقيمه

لجلها كم جرعت المرّ وأقول حالي
ماتراجع ولو أن العواقب وخيمه

ماحسب لزمن لوكان مانيب سالي
أبتسم لو محاديب الحنايا حطيمه

الخلاصة حشى ما مثلها شخص غالي
وما بقى في هواها وادٍ لأجل أهيمه

شيلة شيخة الغيد – الوليد ال عامر
Al Waleed Al Amer | SHEKHAT ALQHAID

المزيد من شيلات الوليد ال عامر
يلعبي الهاجوس
يا رفيقي
شوقي الطاغي
طيف الخيال
ملك عمري