كلمات أغلى من الألماس

بقولك كونى بخير ... و انا من بعدك مانى بخير
قاعد بونس نجوم الليل ... بكاء الدمع نازل سيل
قلبى بيرمح كيف الخيل ... يالله من العذاب و الويل
شريط لحظاتنا مانو طويل ...بس خلتينى اسير
أسى انا واقف بين و بين ... لا اعرف ارجع ولا وين أسير
ما تقوليلى انسى ده مستحيل ... شوف نهاية تانية ...that's unfair
اه لو بس كنتى سألتينى ... طلب بسيط ليه توقفينى
كل كنت دايره تسمعينى ... ما قولت انك هتصدقنى
بس كان ممكن تفهمينى ... بحق ل بينك و بينى
قبل ما تمشى و تظلمينى ... بتقولى ما تكمل و تقاطعنى
و انا بتحمل بتقطعنى ... كل مرة ما سيبتى مرة حتى ف حقى بتمنعينى ...مانى السبب بس ليه حاسس بالذنب
بعدت عنك غصب عنى اى و بشكل ظريف
عشان مسيطرة تفكيرى و انا ما بحب اكون ضعيف
رحلت زى ضيف خفيف ... صورتك بزورنى زى طيف
ما بتفارقنى شتاء و صيف ... بعدك ما شايف تقول كفيف
طبعى زاتو صار عنيف ... مستغرب كان معاكى أليف
طبعه حامى حد السيف ... ما كنتى مرضاهو عارفة الوصف
امهر شيف ... صار كل داك ذكريات صور مرمية ف الارشيف
اسف يا نفسى غلط و كنت حاسى
اخدت كل احتياطى بس القلب ليكى شاذى
السؤال الحب ضعف ولا قوة بتزيد الضعف
اى عدم استقرار زى النحلة سمينى كانتى
بس لما فكيت مكنتى معاها راحت مكانتى
بتجينى صورتها زى طيف ضحكتها هرمون سعادتى
صوتها فى عقلى كأنه كيف بمدمنه بيدينى طاقتى
لا اعرف ابعد ولا أقرب الكلام منى بيتسرب
كل ما اقرر اخد خطوة عنها خطوة ليها بتحرك
صحابى بيضحكوا فينى بالواضح حايم بتهرب
العيون عليا تتفرج قالوا ي علم انت جادى مكنة مستحيل بتهرج
بنت اغلى من الالماس
كسرتنى كيف قزاز
صورتها فى قلبى قول برواز
وقعت فى حبها خلاص
ي قاضى كون حساس
داير اقدم التماس
طيرت منى النعاس
قلبى المكنة ف حالتك شاذ
ما عمل حساب للناس
بسكر بضحتكها بشرب كاس
عشانها بلعب دورى و كاس
الحكم ما حسب لى تماس
بجرى ليها لو بعكاز
يالله قلبى بيدق حماس
شاغلى عاقلى زى وسواس
ربى اجعلها من نصيبى يقولوا قلبى بيها فاز