كلمات ذهاب
إيه بانتظار غروب الشمس
إختلط كل شي هي الشمس بتستناني
من مبارح الساعة واقفة ع الخمسة
بحرك رسغي لشوفها ورا كف المغيب فبتنزل
رفع ستار الوقت عن جحيم الكواليس
ورهبة انتظار الإلتقاء
عم حييكي من ورا الستار
عم اتدرب لأتجنب أي خطأ خاف أتعثر بفواصل الحوار
مسحت المسج اللي ما بعثتها
لسه عندي أمل توصل
عندي أمل توقع عيونك ع سؤالي البايخ
شو حتكوني لابسة؟ بخاف من التغيير
بتمنى تكوني لسه لابسة مبارح
بموضع العاقل لي عم يسمع
اكذبي عليّ حكي لي كنت ميتة لما غبنا
أو اتوقفت حياتك ما فوتت أي شي منها
بأي شي بتعيشيه بدوني بتخنقني أغلال الحسرة
ع لحن التوتر إجري عم تخبط ع راس الشارع
لسه ما وصلتي بس ناطرك ترجعي
أول أدفى انتظار بارد
وصلت قبل بساعة مع ذلك بترجاكي لسه تأخري
لا تعاتبي عيوني اللي عم تنده لك عم تستعجل
أقدامي والخطوات، هربت مني باتجاهك
من عيوني بغار، وصلو قبلي بأنانية
رموني أمتعة بأرض مطار وراحوا عندك
تعابير وجهي تصدعت يادوب فهمت المرحبا
الأحاديث عم تتزاحم بحنجرتي
عم يتسابقوا عليكي ويتسابقوا اليكي
أول اتصال بالواقع إنت
الشوق شيئ والبعد آخر يكتب ولا ينطق
فخلينا نتجنب نحكي عني إحكي عنا
إحكي لما السكوت يخيم
إحكي للهدوء يغير نبرة الضجة بها الصفحة
اتركينا نتبعثر
جوة ها المدنية الكرتونية نمشي دون وجهة
ما بيختلف هي الدخلة او لي بعدا
لو وصلنا لحافة العالم اتركينا نتبعثر
اتركينا نتبعثر، اتركينا نتبعثر
ع حافة العالم اتركينا نتبعثر
نمشي دون وجهة
نتبعثر، اتركينا نتبعثر
هاي الدخلة أو اللي بعدها
كيف الطقس اليوم