كلمات معكوس Ma3kos

حسب المزاج بنودي مفيش مزاج هنبطء
لو كانت بالمستوي يا شقيق كان نص دولا مبطل
اتظاهر بالهدوء من برا تسمعني اديهم راب مبطن
تفهمني اول اما بنطق مش غرضي انك تقوم تتنطط

دماغ مشفره بتكلم شوية عقول مبرمجه
محدش فيهم عاش الي احنا عيشناه
فا كل حاجه بالنسبالهم بهرجه
عشوائي لدرجة اني مش مركز مين باقيلي مين
بيمشي عشان مش بطلب منهم رجا فا االدنيا زي
مانت شايف تنافس الناس دي ف الفضا

ممشي كل حاجه سيستم
ماعادا المزيكا بحب اني امشي ورا الرتم
بحب اتكلم عن حاجات كتير جوايا
صعب انك تفهمها غير بس لو عيشت
عشريني حقيقي بس احنا ف زمن
لو بدأت تحس تعرف انك كبرت
بنجاري شبح مش بنجاري الوقت
كل حاجه متشقلبه زي الحلم

مش كل حاجه ليها اجابه
فا مش هتيجي بكتر النبش
بتدور ع الحقيقه ولا
محتاج انك تلاقي نفسك
منا زيك كلنا بندور
علي ابره ف كومة قش
براب عشان محتاج اتنفس
مش عايز اغرق جوا الكبت

ده فوق ادراك الناس دي
حسب المزاج النفسي
عارف انه ده ميبيعش
لكن بيصحي حاجات ف قلبي
احداث يوميه وبتجدد
كلو اب نورمال فا دي اقل حاجه عندي
بطلت اتكلم عن مشاعرك
ما زلت بتلاقي نفسك جوا كتابتي

في دي هنختلف تقريبا
عشان مش لاقي نفسي فيها
بتكلم من جوا اعماق اللامحاله
فا كل حاجه هنا بعيده
بالصبح نايم بليل بنشقي
للاسف مش عاكس هي دي الحقيقه
الجاذبيه ماشيه عكسي انسبشن
في كل نقطه هنا روحنا جرينا

الخلاصه عايزك تبقي فايق
بلاها تبقي شخص ساذج
معاهم كل يوم ولسه مش عارف
ان المشاعر فيلم بايخ
كلام كتير جوايا بايت
ده كله كان عكس الي باين
ف الاخر زي مانت شايف
بخلي المزيكا تحكي وانا نايم

مشكلتك انك جيتيلي وانا لسه مش فايق
للاسف هيا ديا الحاله الي بقول فيها الحقايق
شوفتيني وانا طيب لسه مش عارفاني وانا مهووس
ده جزء مني زي ما تقولي شخص تاني انا معكوس