كلمات وش قصتك

وش قصّتك يالحبيب
يومين ما تتّصل
حالي شرات الغريب
وحكمو عليه القتل

أزقر ولا تستجيب
عنّي قطعت الوصل
الّي يودّك يثيب
ما يزعل ويعتزل

ف الحبّ خلّك قريب
البعد ما بالسّهل
يزيد ع الشّيب شيب
ويشيب منه الطّفل

يوم شوقي على ذوقي
وش عليه من الباقي
لذّهب يا الغلا سوقي
وتفرّق أنواع الأسواقي

حدّ كلّ شي له يلوقي
وحدّ ماشي له لاقي
أنته مع دم لعروقي
جاري ومالك أشواقي

سالبني رضي وبوقي
وساكن بوسط خفاقي
خافقي لجلك يتوقّى
سابح بجوّ الأفاقي

يا صاحبي بوني صويبي
وأنته تزيد الطّين بلّه
ييتك أدوّر لي طبيبي
لا تزيد روحي المستعله

خلّك على الدّنيا قريبي
لين العمر يفداك كلّه
ارفق ع حالي يا حبيبي
بموت من زود التّوله

صورتك عنّي ما تغيبي
دايم ع بالي مستحلّه
أشوفك النّجم الرّقيبي
ودربي بدونك ما أدلّه

اغنية وش قصتك – فرقة المزيود
Wesh Qissatak – Almazyoood band
كلمات والحان: سعيد المزيود

المزيد من أغاني فرقة المزيود