كلمات صباح الخير يا مولاتي

يا ماما يا أما يا اماتي
سلاماتى احتراماتى قبلاتي
صباح الخير يا مولاتي
يا ماما يا أما يا اماتي
ابوس الايد و قلبى سعيد
يا أول حب فى حياتى يا أمي
علشانك انهاردة الدنيا كارت معايدة
ملا الربيع أركانها بمليون الف وردة
والكون بقى جوة بيتك و انا قبل الكل جيتك
يا اللى انتبهت لقيتك انا وانتى حاجة واحدة
تحبينى وانا أحبك و أعيش قرب قلبك
عيونى معجبة بيكى و روحى كلها تجاوبك
و أغمض و أفتح أقولك
صباح الخير يا مولاتي
بغنى للأمومة و لليد الخدومة
و أقول الله يا أمى عالدفئ و النعومة
يا ست يا فدائية يللى قضيتها هي
تجعل حياتى هنية ولو تبات مهمومة
تعبتى كتير عشان خاطري
عشان أمشى عشان أجري
و مهما جريت بعيد خالص
أدينى جيت قوام بدري
يا ماما يايما يا أماتي
صباح الخير يا مولاتي