كلمات الكعب العالي

انا الكعب العالي اللي يعلي ع التخين
سابت وضعي في وقت الجد افض انا اي كمين
اسمي علامه براند و سابق الكل بخطوطين
السكه اللي بكون راجع منها الاقيكم رايحيين

انا علي وضعي عند ناس ومقامي عالي علي اساس
لكن انتو عاله وتافهين عايشنها وخلاص
وقت ماقالو شمال رايحين وقت ماقاله يمين جايين
مالكوش عازه كده عارفين كومبارسات وخلاص

شوفو انتو واصلتو فين يعني وانا وصلت فين
مع اننا من ساعه الصفر مع بعض بادئين
‏ انا بقيت في العالي وانتو ننه نايمين
‏احلي مسا علي الناس الفاشله خليكم قاعدين

انا علي وضعي عند ناس ومقامي عالي علي اساس
لكن انتو عاله وتافهين عايشنها وخلاص
وقت ماقالو شمال رايحين وقت ماقاله يمين جايين
مالكوش عازه كده عارفين كومبارسات وخلاص

لو هنقارن يعني هنقارن مين بمين
لو علي قد النيه دانتو هتستنو سنين
نيتنا بيضه قشطه والكل عارفين
حتي كلامنا علامه جوده عليكو معلمين

كنت بمسي باحلي كلام من حقي باصص قدام
لكن انتو في الصف ورايا او عند الحمام
كعبي عليكم عالي اكيد انا البابا ونجم بعيد
بالنسبالكم طبعا  مع كامل الاحترام