كلمات نفسيا غير صالح (لما غريب بيطبطب) [feat. Essam Sasa]

أكتر شيء بيزَعّل فعلاً إنّك تبقى وحيد
لا وتمَثّل دور مبسوط وإنّك أكتر شخص سعيد
عايز منتج ينتج م الأحزان والهَمّ شريط
وهوَرّيكو بعينكو إزاي م الهَمّ أنا اتهَدّيت

علمياً بيقولوا إن عياط ودموع العين.. حزن بقالو سنين
مكتوم جُوّه الشخص ده معناه بجَدّ القلب حزين
عملياً بقى لَمّا تلاقي هموم جُوّاك وجراح.. وإنّك مش مرتاح
حاول تهرب آخر الدنيا ودَوّر على أفراح

أنا زعلان على نفسي وعلى حالتي اللي أنا عايش فيها
مش عارف أخرج منها إزاي ولا عارف أداويها
مرمي في زون مليان أحزان وفي أي مكان بلاقيها
لَمّا بحاول أنا أخرج منها بكون مَيّت بعديها

نفسياً غير صالح للفضفضة ولأي كلام.. جُوّه في قلبي آلام
علشان مش عايز أتكلم بعمل إني تمام
عصبياً أعصابي أنا سايبة عشان مبنمش كتير.. يجي منين الخير
ده أنا والله اللي حاسس بيه مبيشرحهوش تعبير

لَمّا اتخان من أقرب حَدّ هآمِن بس إزاي
ولا واحد بيصون العشرة ولا كوباية الشاي
اللي عملت بأصلي معاه بيرُدّ الخير بالشَرّ
اللي جبرني إني أبقى معاكو أنا لا مش مضطَرّ

كراسة الصدامات مكتوب فيها أسامي ناس غاليين.. ناس مِنّي وخاينين
لَمّا أقرب ناس بتخون قلبي هتيجي الراحة منين
لَمّا غريب بيطبطب ويداوي جرح وسببه قريب.. يبقى قريب بغريب
أي خيانة هخونها لقلبه هتبقى حلال مش عيب

قلبي اتكسر قلبي اتدَمّر قلبي معدش تمام
قلبي م الأوجاع متحاوط وبيغرق في الآلام
قلبي ده واخد مليون سهم ومش واخد إعدام
قلبي ده غير صالح للحب ولا حتى أي كلام

ما تمُرّي يا أيّامي ولا يا موت تعالى فيني
عمري أنا عايز أنهيه
مش هزعل ع نفسي ملاك الموت أنا مستنّيه
ما تعَدّي يا أوقاتي ما تيجي يا ليل وحياتي.. تعالي أصل أنا عايز أداري
من عين ناس بتشوفني مريض بالنسبالهم أنا حالة

لِسّه بحِبّك لِسّه غاويكي ولِسّه بفَكّر فيكي
لِسّه بتيجي في بالي بجَدّ ولِسّه برِنّ عليكي
أنا بقعد مع نفسي ليالي بعيش أيّامي معاكي
لِسّه بعيش على أمل إنّك ترجعي وأسهر وياكي

بعد فراقنا لقيت إن أنا مش قادر أنساكي.. حاسس إني معاكي
مهما يطول البعد أنا قاعد هنا أنا بستَنّاكي
أنا صورتك وحشاني واحشني كلامنا في نُصّ الليل.. وهزارنا والتفاصيل
وحاجات كانت بينا أنا لِسّه برضو ليها بميل