كلمات اسكندرية

في اسكندرية الجمال .. في قلوب الناس متشال
لو جيت شوفت الكورنيش .. هتحب الناس وتعيش
هيحلي الدنيا في عينيك .. وينور ملامحها في قلبك
والبحر متلون ازرق .. وفي شتا او صيف بيبرق
في الصخر الموج بيخبط .. يرسم اشكال ويشخبط
وبيوت الناس بتداري .. الشمس ساعة العصاري
وشعاع يطلع من بينهم .. بينور قلبك و عيونهم
وتلاقي ترام بيهدي .. في شريط اخضر بيعدي
وفي ليلها هواها جميل .. ليه الروح بتميل
ليها الناس ياما غنوا .. واما يسيبوها بيأنوا
اسكندرية الحياة .. اسكندرية الهوي
جنة ارض الاله .. عشق واصل منتهاه