كلمات انا الظالم
✍️ كلمات: سمير طارق
🎼 ألحان: محمود حسن
مش هنسي مين جم على قلبي
واستحلوا عذاب روحي وتعبي
ولا حتى في حالي بقى سابوني
دول فرحوا بتعبي وبقهري
واتكلموا ياما عني في ظهري
ولا ارتاحوا الا لما اذوني
انا الظالم انا الجاني
انا في حقي قوي اناني
بتبقى الحاجه علشاني
واسيبها تروح لناس تانيه
انا الغلطان انا استاهل
في طبع الناس غبي وجاهل
باقلل مني بالساهل
بطيبه وحسن نيه
العيب من ناس مفيهاش طيبه
ده العادي وعمره ما كان عيبه
بيشوفوا الخير لينا جريمه
انا فوقت وورا ظهري رميتكم
يا رخاص جدا وانا غاليتكم
وبايدي عملتلكم قيمه