كلمات معنى الوطن

السلام والمحبه والحكمه عيسى
ومحمد اللي رسالته رحمه للعالمين
وفي كل جامع في البلد دي او كنيسه
هتلاقي ناس متجمعين من الناحيتين
ده مسيحي وفي رمضان في بيته تلاقي زينه
واقف يوزع تمر في اشاره مرور
وعيد ميلادك يا مسيح بالنسبه لينا
ده يوم بيملى قلبنا محبه ونور

وده سرها
مع بعض واقفين من سنين ضد الزمن
بنحبها
عارفين وواعين يعني ايه معنى الوطن

على كلمه وحده متجمعين شايلين بلدنا في قلبنا
الدين لرب العالمين اما الوطن لينا كلنا

جندي وسايب ناسه واهله
في الحر وعرقه على جبينه
وقت الجد محدش ساله
عن اسمه ولونه ولا دينه
اختلط الدم على ترابها
وده اللي بيجمع بيني وبينه