كلمات القرنفل
✍️ كلمات: يوسف عز الدين عيسى
🎼 ألحان: علي فراج
مين اللي زيه في ضحكته ما احلي عبيره وصحبته
ازهاره زي الكاس تسكر عيون الناس
داكن منصان فوق الاغصان
ساحر فتان صاحي ونعسان
بتحيي الخيال يارمز الجمال
يازهر القرنفل
ياقرنفل
بتسبي العيون يا تاج الغصون
يا زهر القرنفل ياقرنفل اه ياقرنفل
شوفوا الندي مشغول بهواه من حبه فيه بيبوس خده
ويقضي طول الليل وياه مين اللي يقدر علي بعده
والورد هايم بيحبه سهران ونايم يحلم به
والنسمة بتلاعب عوده يحلي هواها بوجوده
بتحيي الخيال يارمز الجمال يا زهر القرنفل
ياقرنفل
بتسبي العيون ياتاج الغصون
يا زهر القرنفل ياقرنفل اه ياقرنفل
بين الزهور امر ناهي ع الروض سلطان
وفي الرياض لونك زاهي اشكال والوان
فتنة وجمال في لفتتك يا قرنفل
رقة ودلال في لمستك يا قرنفل
اشوف اسبح في الاحلام وتمر على بالي الايام
بتحيي الخيال يارمز الجمال يا زهر القرنفل
ياقرنفل
بتسبي العيون ياتاج الغصون
يا زهر القرنفل ياقرنفل اه ياقرنفل
اول جمالك ما فتني يوم ما الحبيب كان يوعدني
فرد حبيبي منديله فضلت اقطف وادي له
باسك وضمك على صدره يا قرنفل
وقلبه قال لك على سره يا قرنفل
من يومها حسنك بان لي
وزاد جمالك في عيني
بتحيي الخيال يارمز الجمال يا زهر القرنفل
ياقرنفل
بتسبي العيون ياتاج الغصون
يا زهر القرنفل ياقرنفل اه ياقرنفل