كلمات ياهل الهجن الغوالي

ياهل الهجــــن الغوالــــي
مستوى الاشواط عالـــي
شعب وأصحاب المعالــي
اسمعوني بأريحيّــــه :
هجن ابن هياي غايه
للرمــــوز العالميــــه ،
ارفعوا للنصر رايـــه
يامناصير الحميّــــه ،

لو شعاراتك قويّــــه
هجن بن هياي الاول
أولويــــه وأوّليــــه !،
فارق التوقيت فـــارق
وانت بالاحلام غــــارق
سهمها فالخصم مــارق
والله ليمســــي ضحيــــه!،
ل احضرت والركض حامي
تشلع الشــــوط الختامــــي
وتحــــرق كبــــار الاسامــــي
بالنواميــــس المديّــــــــه،

نجمهــا ولّع سماهـــا
ابعدت عنهم مداهـــا
بالعــــزوم الاوليــــه،
كل ندراً مستحيلــــه
فارعً نشــــلاً مهيلـــه
ركضها مافيه حيلــــه
وراسها به عنصريــــه،
فارقً فالزمل ابوهــــا
هجنكم له نوخوهــــا
ورايحً بالشوط اخوها
فالرمــــوز الموسميــــه،
عند ابن هياي سالــــم
ابلــــجً حاضر ووالــم
مجلسه راس المعالــم
فـ الديـــار الزايديــــه،
ذخر ابن هيــاي جابر
دام للعثــــرات جابـــر
كابـــرً من راس كابــــر
راعي الكــــف النديــــه،
مقدم اسياد المواقـــف
مجدهم حاضر وسالـف
قادة جيوش التحالف
يوم جاء للحرب هيّه
يامناصير الشهامــــه
والمــروه والكرامــــه
والفعول المستدامـــه
والكفــــوف الحاتميــــه ،
ياحواتــــم دار زايــــد
ياوسيعيــــن البنايــــد
طيبكم فــــارق وزايــد
من عصــــور الجاهليــــه،