كلمات قلت المطر

قلت المطر قالت من اليوم ديمة
ما به رعد لا برق ماغير هتان
عشق جمع ما بين قاع وغيمة
سيل علي صدر الثرى دمع الامزان

همس النديم اللي يعاتب نديمه
صوت المطر كنه تعاتيب خلان
تبسمت لاجل الليالي القديمة
وقالت تذكر قلت يابنت نسيان

نقض الجروح اللي تشافت ظليمة
ما عاد به وصل ولا عاد هجران
ما للرجا في بعض الاحوال قيمة
و ما للعمى صبح ولو بات سهران

لو للزمن عن نية الغدر شيمة
ما فرق احباب ولا بعد اوطان
لاشك وينك يالقلوب السليمة
اللي تجازى عن خطا الخل غفران

كلن خصيم وذاق لوعة خصيمه
واللي خصيم الوقت يا بنت خسران
قلت المطر قالت من اليوم ديمة
ما به رعد لا برق ماغير هتان