كلمات انطلق للحياة

انطلق للحياه وعلم اللي يقول
‎مابقى لك مكان ولا بقى لك زمان

‎كل هم من الدنيا مصيره يزول
‎وكل شيخ حشيم مايعرف الهوان

‎وان تضايقت منها والوطى فيه جول
‎افرد جناح عزك واسدله للعنان

‎الله اللي كريم والبنادم عجول
‎والله اللي عظيم وقربه اكبر امان

‎ان عزمت المعالي عانقتك الحلول
‎وان تراخيت عنها مال مثلك مكان

‎ماتجيك الاماني دون شيل الحمول
‎خل ضلعك منيف وف المواقف يبان

‎وان عطتك الحياه وحالفتك بقبول
‎لاتعيش الليالي غطرسه عنفوان

‎ساعد الغير دايم ولايهمك عذول
‎وخل راسك رفيع ولاتعرف الطمان