كلمات ياللي تقول

ياللي تقول الشوق شسمك وظلك
هذي عيوني شوف وش يعني الشوق
مقفي ولاهي وانت باقي محلك
بين الحنايا ماتبدلك العروق

كم غبت والخفاق كم استدلك
منور مكانك دايما فالسما فوق
لو جفت الاشواق قلبي يبلك
واعطيك من عيني غلا حب مرفوق

سمتني الايام يازين خلك
خليتني بفرقاك حاير مع الموق
اشتاق لك وان جيت قلبي وطن لك
ياللي مثل هيبتك ماشفت مخلوق

اصبر وصبري حب مايوم ملك
اشكي طيوفك واتصبر على العوق
واقول باكر يمكن الشوق دلك
تطفي لهيبي وصل ومعانق وذوق

احسك ذخرن فالصعايب اسلك
ويموت عذالي من رضاك واتوق
غالي ولو تبعد وقولي وصل لك
وانته بكيفك واحسب الوضع برفوق

ياللي الحنايا في غلاك اشهدن لك
ماشفت في بعدك على ايامي شروق
اقرب تعال وشوف وينه محلك
لو طال بعدك ماتبدلك العروق