كلمات موال يا امي
يا امي شايف عيونك حزينه
شاللي مزعلك يا تقبريني
يا ريت الناس بتبيع السعاده
تاجيبلك كل فرحه وكل زينه
حرام الحزن يغمر هالايادي
اللي كنتي فوق منها تحمليني
صباكي يلبس اللون الرمادي
وقلبك متل زهر الياسمين
بعد ما كنت تزحف ودادي
دروس رجال صرتي تعلميني
يا امي ارضك اعبدها عباده
الدهب شو قيمته لو ما الخزينه
يا امي بعرفك عندك جلاده
وصدر فيه الرضا والطمانينه
مين العوكرك يا بحر هادي
طفى الشمعه اللي ضوت ع مدينه
رفعت راسها بحزم واراده
ومسحت جمره الدمعه السخينه
جرحت صوتها صارت تنادي
القدس يبني القدس امي السجينه
يا ابني جارت عليها العوالي
تاهت عن مراسيها السفينه
برضاي عليك يا فلذه فؤادي
حررها ولا تتركها رهينه
يا ابني القدس اغلى من ولادي
وانتوا والقدس من فرد طينه
كانت فرحتك قصدي ومرادي
وحتى بعرسك تزهر سنيني
بدي البسك توب الشهاده
واحمل نعشك وارفع جبيني
وقف وقالها بلسان شادي
انا ابنك متل ما بتعرفيني
وحياتك اذا نادى المنادي
انا مقاوم فدائي بتوجديني
يا امي مين اغلى من بلادي
بعد الله الارض والعرض ديني
انا من واجبي اتابع جهادي
بوصيكي قبل ما تودعيني
اذا بغيبتي نلت الشهاده
بزغروته وبسمه استقبليني
ما بدي تلبسي توب الحداده
دخيلك اوعى تبكي بتحرقيني
انا رفاقي بيحملوني عالايادي
لبنان وعراقي وفلسطيني
نعشي زعفران وزهر نادي
وقبري بين زيتونه وتينه
وحتى تريحيني ونام هادي
وبقبري تخيمي علي السكينه
تحت راسي اوضعي المصحف وساده
وعصدري صوره المسجد الاقصى
وامانه يضل رشاش بيميني