نفسي انا اصرخ بحس عالي على شمسنا واقولها تعالي خدي همنا وخدي ياسنا ودوبي الليالي وهاتي لنا بكره احن من امسنا يا ربي ليه الحقيقه في الدنيا تايهه وغريقه الكدب ليه توبه زاهي والدنيا مش زي ماهي دي دنيا دي ولا غابه ولا مدينه ملاهي انا تهت ليه ليه بس مالي دنيا فيها اللي كافيها طفولتنا ليه ضايعه فيها وشبابنا جواه دموعه لكن بيحلم ببكره حابس ضناه بين ضلوعه وبكره في القلب فكره قرب يا بكره ولالي