كلمات انا حره

انا حره ومش مضطره البس فوق حقيقتي وشوش
انا حره ومش فارق معايا اللي مبعجبهوش
وليه ارضي بحاجه عقلي رافضها
وليه ارضي بحاجه غيري فارضها

رافضه سكاتي
وبتمرد علي المفروض
عايشه حياتي
ومش معترفه بالمحدود
قلبي صوته بيقول انا موجود

انا اسفه
انا مش صوره طبق الاصل في البرواز
ومش خايفه
انا مش حاجه عاديه انا اعجاز
انا مخلوق خلقني رب كل جمال
وفيا الروح انا رافضه اكون تمثال

انا حره
وصوتي جاي من راسي
بصدق بس احساسي
وثقتي فنفسي اساسي وشيء محسوم
انا حره
مفيش صدمه بتمحيني
تجاربي اللي بتبنيني
وعندي اللي يخليني مقعش فيوم