كلمات لون الضما

ياصاحبي منهو يلوم المجنن
ان ياهم العاقل و سموه مجنون
ويا قلبي اللي مابعد له تطمن
لا القرب مضمونن ولا البعد مضمون

حالي كما المسحور ولا المعين
في غيبتك مفتون وان جيت مفتون
نوح الحمام الي من الشوق غنن
كن الضلوع لسجعهن صارت غصون

يا صاحبي سون سونو سون
لشواق يوم تغيب لاكنك اتمون
مشاعرن تاهن و عنن و حنن
لا طاعن الفرقا ولا يرضن الهون

طابن بعض الاوجاع واوجاع تمن
سراب من لون الظما ماخذن لون
لو كل شي ما يثمن يثمن
كان القيم اغلى من كنوز قارون

شعور بعد الفرض حب التسنن
شعور راحه قلب بالله مسكون
و شعور زخات المطر يوم رنن
مثل امنيات ايتام يوم يتمنون

والبرق ورعود المزن يوم دنن
الارض تفرحبه و يفرح بها الكون
تقسا بك الايام وانا اتمعن
يا صاحبي لله في خلقه شؤون