كلمات هام المعالي
زان القصيد و خذ يا ماجد جديده
و استبسلت شرد المعاني والالحان
عنوانها حصان الرجال الوليدة
سمح النبا جزل المواقف بليهان
المختلف في فعله و في قصيده
اللي بسبقه تتفق كل الاعيان
تذعن له ابكار البيان العنيدة
و يلين له صخر القوافي و الأوزان
متسلطن وعلى أجزل الشعر سلطان
لو مالقى به طيب رأي و عقيدة
ماكان حطه مستشار ابن سلمان
اللي مقاليد المسلمين بيده
ولي عهد المملكة تاج الاوطان
في كل يوم يجيب فكرة جديدة
ناض بشعوب الشرق الأوسط كحيلان
اختاره ذراع المليك و عضيده
اللي سبق في رؤيته خلق و ازمان
سعود جعل ايام عمره سعيدة
النادر اللي هقوته شانها شان
بان الوليدة كنه سهيل لا بان
لا قلت من قحطان والا عبيده
فالعز ميراده عبيده و قحطان
رسل المنايا صافيين الحديدة
أسد الوغى لا من شان اللغا شان
واحدهم اكرام الملاهيف عيده
يسبق على هام المعالي تقل جان
ياحي روس ما تعرف الزهيدة
أطفالهم على المواجيب شيبان
واخواله اللي كل مجد تشيده
ويلان والتاريخ يكيفك ويلان
روس عنزة في المعضلات الشديدة
يشهد لهم بالفعل حضر و بدوان
من وين مايممت وجهك وليده
للفعل فعل وللتواريخ جدان