كلمات كني غريب

كني غريب بموقفي يوم الاقيه
لاني بانا منه ولا هو بمني
بيني وبينه حاجز حرت انا فيه
ما ادري تعب امشيه ولا تاني

فكري تلاشت فيه اسهل معانيه
حتى خيالي يسرق الحلم مني
شارد فكر مالي خيال اناجيه
تتجمع الافكار وتنزاح عني

فكري عجز يفهم الواقع واعنيه
وانا اعترف لك بالذي صار مني
عشت بزمن فيه ازدواج بمعانيه
شفت الحقائق عكس ما كان ظني

اقدر اميز لكن الوضع تاليه
تظهر لي اشياء باوله ما بدني
وارجع واعيد حساب فكري والاقيه
انه صحيح والخطا صار مني