كلمات التواريخ المجيدة

غطرفي يا شرد الصيد من كل اتجاه
ماحلا صيد الركاده ولا صيد اعجله
صيدنا صيد النوادر على طور الحياه
و القصيد اليا طرقناه جينا باجزله
من دعانا للمواقف نجي وجه وجاه
ما ربينا للمواقف نجيها بختله
من شكى من علته عندنا عين دواه
الكبود نبلها و الردا نستاصله

عند حمدان ابن غانم سليل المرجله
ال غانم مارثة غانم الروس الدهاه
من مقاديم المعزه و للعزه هله
جعل فالك يا محمد على صيب و رفاه
جعل فالك السعد يا مبشر باوله
يا ولد حمدان ياللي على الطيب و نباه
النعم هذا محله و هذا مدهله
مدهل الضيفان عون الرفاقه و اخوياه
و ان تمزهل في لزومك تباشر و ازهله
من بني خالد هل الطيب و النعم و طراه
لابتن فالطيب كنها سحاب مخيله

و كل طيب طيبنا و فعلنا يستاهله
لابتي كسابة المجد متعبة الرواه
التواريخ المجيده و ضرب الامثله
اشهد ان لي لابة طوعت روس الطغاه
ضربها في روس الاخصام موت و جندله
في كنفنا ساحل الشرق لين اقصى مداه
حكمنا اللي لين يوم التلاق نبجله
يا بني خالد هل الطيب و النعم و طراه
لابتن فالطيب كنها سحاب مخيله