كلمات اريا الصباح
طفله الاحلام في صدري تنام
والليالي من ضياها مقمره
اقبلت واقبل معاها الابتسام
وبلقاها احمد الله واشكره
اريا وامطر من الثغر الكلام
والشفايف بالقصايد مزهره
صار في صدري من الشعر ازدحام
وين اودي هالقصيد وانثره
اريا قصه من احلام الغمام
عشقها عشق السنين الممطره
من بدايتها الى ما لا ختام
مبهره في كل صفحه مبهره
اريا ضحكه بشاير لانام
ليلها في قلب بيبي تسهره
من حسن يوسف بها بدر التمام
او بعض من زين لولو واكثره
اريا بعدك على الحسن السلام
خذتي من اول حلاه لاخره
طفلتي قرت عيوني والمرام
ما وصفتك وارجو منك المعذره