كلمات سكرة

ياللي قلبي اتشد ليكي
شكلي هتجنن عليكي
مش طبيعي الرقه دي
دغري وبصنعه لطافه
بينا قصرتي المسافه
انتي فيا عملتي ايه
محدش كان بيشغلني
وسحر عينيكي غفلني
يادوب من نظره انا اتثبتت
قصادك عقلي متخدر
وقلبي كانه متكدر
في حاجه غريبه شدتني

سكره جوهره دي اترسمت بالمسطره
وياترى ايه جرى ايقونه ومتشفره

اول ما عدت وسطهم
غطت عليهم كلهم
وعليها يابا جوز عيون
حلوين وانا مش قدهم
خطوتها تعمل زلزله
مش سهله يعني المساله
والعود خطير يسحر بلد
مرسومه رسمه منقله

سكره جوهره دي اترسمت بالمسطره
وياترى ايه جرى ايقونه ومتشفره

في الجمال والله ايه
جامده من كل الزوايا
لا خطيره وجننتني
مش ملاحق على المزايا
فارقه عنهم وبمسافه
نمره 1 في اللطافه
هي ملكه وهما يجوا
بعد منها في الوصافه

سكره جوهره دي اترسمت بالمسطره
وياترى ايه جرى ايقونه ومتشفره

نظره عينيها منوره
على قلبى فارضه السيطره
ست البنات متغندره
زي الكريزه مسكره
عجباني خفه دمها
رمان مفصص خدها
دي المانجه بيها اتشبهت
من يومها رافعه سعرها