كلمات جارنا الأسمر

طلّوا صبايا الحيّ ضحكولي
وبصَوْت كِلّو غَمز قالولي
جارنا الأسمر سأل عنك
ياهلترى شو مَطلَبو منك
ع السّر يالله استعِجلي قولي
وصِرتْ فَكّر صِرت إتأمّل
ليش عني جارنا بيسألْ
جارنا اللي كان ساحرني
وع درفِة الشباك سهّرني
إل ماكان يضحكلي ولامرّة
ولوّع بِلَفتاتوألِفْ سمرا
وفجأة الباب اندَق
وصحيت من أحلام مجنونِة
ودقّ قلبي دقّ
ورقْصِتْ البسمات بعيوني
وبإيد عمْ تُرجُف فتحت الباب
وطلّ طلِّة نور بالعَتمِة
وابتسم سلّم سلام احباب
واتشَرْدَقِتْ ع شِفّتو البسمِة
وجنبي وِقِفْ مخجولْ
محَيّرْ شو بَدّو يقول
ومِتلو أنا وقفِت مخجولِة
والصمت رفرف فَوقنا جناحو
مابنسَمَع غَير تكّة الساعات
وعيونّا لأخر الدّني راحوا
وبقلوبنا عَمْ تكبر الدقات
وفجأة حِكي..بتِعِرفوا شو قال
قال ياجارة, لِرفيقتِك إمّ العُقُد والشال
مالْ قلبي المابعمرو مالْ
وبَدّي إذا مابتِحِملي تِقلِة
نعملّها زيارة
لاترِدّي, قولي نعم قولي