كلمات قلب وش فيك

قلب وشفيك ما تنقل عزاهم
مسافر وانت في ديار بعيده

فقال اليوم طول بي نياهم
ترى ما بالتسلي شي فيده

اسير بعيد لاجل اكسب رضاهم
ونار الشوق تشعل بي وقيده

الا يا ليت من غادر يباهم
و هنا ناظره من شوف سيده

فلا اسلى و لا انسى لقاهم
ولا انسى ليالينا السعيده

معي غالين يا مكثر غلاهم
غلاهم في الحشى ساكن احيده

دخل لعروق وده واعتراهم
تخللهن وداده بالوكيده

و لو شفت الصعوبه من جداهم
فهذا الشي لي منهم اريده

فقلت اصبر و اغير عن هواهم
فما من بالحسن صارت فريده

فقال يا ليت لاكنه عناهم
خشعني خشعت احبال شديده

يلي نسنس و ياني من جداهم
هبوب الصبح و النادي يزيده

طفى الحرات لي بي من عناهم
و لو كانت على نفسي شديده

بهم الاوصاف يوم الله عطاهم
عيون الحر لي من شاف صيده

و فوق الردف يا سود سحاهم
و عود الموز و خصور جليده

و كملهم من الزين و كساهم
من اجدام و حيات عجيده

اطيعك يا قلب و اتبع هواهم
عساك تنال منهم ما تريده

و تحظى بيوم بمشاهد لقاهم
و تصبح في فرح و ايام عيده

يا غير اخاف يبعدبك مداهم
تروح الروح في تبعه شهيده