كلمات وانا في طريقي بجري
وانا في طريقي بجري والصبح بيبتسم
ونور الشمس طالع ع الارض بيترسم
لقيت عربيه حمرا ما تقولش لونها دم
وفيها شباب و نايم مرسوم على وشه هم
انا جيت اصحى فيهم يا كابتن قوم يا عم
بصولي بطرف عينهم بدوخه وتقل دم
وانا في طريقي بجري
وعرفت اصل الحكايه بازازه جنبهم
كبايه كانت ع الرصيف وسيجاره ف يدهم
وانا في طريقي بجري
وفضلت اصحي فيه وانزل فيهم تخبيط
والشمس بدات تشقشق والنور اصبح محيط
وبدات تلامذه تظهر وجيش عمال نشيط
ودول ضايعين ف بير وقراره كان غويط
وانا في طريقي بجري
مشيت زعلانه روحي صعبانين عليا
لكن هديت جروحي وردت روحي فيا
لما قابلت غيرهم لسه اديهم عفيه
شباب بدو يعمر ايده سابقه لايديا
وانا في طريقي بجري