كلمات عديم الوصايف

يا عديم الوصايف كدر الوقت ماي
وانت فاللي حصل لي من زماني شريك
ليتها من غثا سود الليالي وجاي
كان بصبر عليها جعلها ما تجيك
مير جتني مع فراقك وجاني بلاي
اشتكي جورها مره ومر أشتكيك
والله اني قوي ولا تهزهز قواي
وان تقدمت اخلي الناس تمسك بريك

احسبني ما أضيع وشفتك وضعت فيك
اكبر نقاط ضعفي كلها من غلاي
احتوي كل شي ولا قدرت احتويك
جيت عطشان لكني رجعت بضماي
بس وشلون لامني ضميت ارتويك
اخفي الشوق مير الشوق بيح خفاي
وحالتي مثل وصف المختنق والدريك
السهر في عيوني والمرض في حشاي
وثاني رجلي بدرب الغلا واحتريك
لا تحقق مناي ولا تبدد عناي
انت فنجال كيف ولا قدرت احتسيك

تحذفني يدينه في جهنم يديك
صارت جروحك القشرا غداي وعشاي
كثر الله خيرك وأنعم الله عليك
وانت لو شفت قلبي وانكشف لك هواي
والله ان تعتبرني من حدى والديك