لما الدنيا تقسى على بشيل صورتك و ناجيها القى عيونه تبسم لى سلام اشواق و حنيها تطل الفرحه فى عينى .. و .. تبقى الدنيا عيديه وحاتك اسعد اللحظات يوم تلقاكى عينيه و حس نفسى بين ايديك وحسك انتى فى ايديه تعم البهجه فى جواى ورود .. و .. زهور فرايحيه رسمتك فى خيالى زمان مقاطع ريد خرافيه وصورتك فى روئ الاحلام اميرة الجنه بلفيها كانك انتى لا قبلك .. و .. بعدك مافى حوريه بتعجز اروع الابيات و حروف شعرى و قوافيها لو حاولت اوصف ليك مشاعرى الكنته بخفيها بريدك مابتكفيها .. و .. بحبك ما بتوفيها