كلمات اقوى واحده

فى الفرح ببان زعلانه
انا اقوى واحده واضعف واحده
جت ع الارض
بكون وحيده ف وسط الناس
مبسوطه من غير حد
انا اشجع واحده جبانه
بفرح وازعل وابكى واضحك
كله فى نفس الوقت

وحتى الفضفضه دايما بكلم نفسى جوايا
وبسند نفسى على نفسى وابين انى متفائله
فى كل مواقف الدنيا بكون الراسيه والعاقله
ولو يوم اضعف وابكى دموعى فى عينى بحبسها
ولو زعلانه من حاجه بصالح نفسى فى مرايا

وم الوجع بتغض
وحتى مشاعرى بلغيها ولو تتعبنى بنقصها

انا اقسي واحده واطيب واحده
جت ع الارض
ببان قويه قصاد الناس
من جوه انا بتهد
انا احسن واحده بتبكى
من حالها لحالها
واسكت واقفل عينى شويه

وحتى مشاعرى بلغيها ولو تتعبنى بنقصها
وبسند نفسى على نفسى وابين انى متفائله
فى كل مواقف الدنيا بكون الراسيه والعاقله
ولو يوم اضعف وابكى دموعى فى عينى بحبسها
وحتى الفضفضه دايما بكلم نفسى جوايا
ولو زعلانه من حاجه بصالح نفسى فى مرايا